Intrat in sa fasa esecutiva su progetu “MiBioS” – Microbiodiversità Sardegna”

Ses casifìtzios sardos chi faghent Frue/Casu Axedu ant a leare parte a custu progetu
18 Arbili 2022
in sa mesa

In sa Mesa - A pustis de s'addòbiu online de su 5 de abrile coladu, su progetu “MiBioS” – Microbiodiversità Sardegna” est intradu in sa fasa esecutiva sua. Est cantu si podet lèghere in sos giassos internet de sas Agenzias Laore e Agris de sa Regione Autònoma de Sardigna.

Ma ite est “MiBioS– Microbiodiversità Sardegna”? Est unu progetu chi at a àere comente protagonistas ses casifìtzios sardos chi ant a traballare paris cun s'Assessoradu de s'Agricultura e Reforma agropastorale de sa RAS. Faeddamus de realidades produtivas chi faghent Frue/Casu Axedu.

Tocat a sutalineare ca sa punna de su progetu est sa tutela e sa valoritzazione de custu casu. Una valoritzazione chi depet finas prevìdire sa realizazione de fainas capassas de dare importu a su valore culturale de su produtu.

Su progetu regionale “MiBioS” – Microbiodiversità Sardegna” est finantziadu cun lege n. 194/2015 e at a traballare pro fraigare unos cantos obietivos:

  • fraigare unu caminu de su Frue/Casu Axedu chi at a serbire pro presentare su casu axedu comente unu produtu de interessu agrìculu e alimentare;

  • sustènnere sa realizazione de una comunidade de sos màndigos e de sa biodiversidade chi apat interessu agrìculu e alimentare;

  • afestare sa Die natzionale de sa Biodiversidade agrìcula e alimentare;

  • introduire torra su cultivu “starter” de batèrios làticos chi bennent dae sa colletzione micròbica de BNSS di Agris Sardegna.

Tocat a pretzisare, però, ca s'obietivu finale de sas fainas chi amus allistadu at a èssere su de torrare a cunferire importu mannu a sa micro-biodiversidade. Custa, difatis, at a dèpere èssere unu tasseddu importante e ùtile pro dare caratere territoriale a sas produtziones agro-alimentares de Sardigna.

Pro àere àteras informatziones si podet lèghere sa pàgina de s'Agenzia Laore chi est intìtulada “Unità organizzativa Promozione della multifunzionalità nelle aziende agricole e ittiche”.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg