Sete realidades de Sardigna tra sas primas 100 de ghia Forbes 2022

In sa ghia americana agatamus: arrosu, binu, ògiu e spirulina sardas
21 Arbili 2022
in sa mesa

In sa Mesa - Cun sos produtos suos sa Sardigna si cunfirmat protagonista de su setore enogastronòmicu isulanu. Arrosu, binu, ògiu e spirulina fatos in Sardigna intrant in sa "Guida 100 eccellenze italiane 2022" de "Forbes Italia". Bisongiat a sutalineare ca faeddamus de una ghia chi presentat chimbe categorias: "drink", "food", "restaurant", "socialize", "wine" e ca inoghe sunt presentes totus sas aziendas de primore de su "made in Italy".

Sa "Guida 100 eccellenze italiane 2022" de "Forbes Italia"(editzione italiana de su "business magazine" chi, famadu meda in totu su mundu, faeddat de classìficas, cultura econòmica, "leadership" imprenditoriale, innovatzione e "lifestyle") e "So Wine So Food" (su "magazine" de sa coghina italiana) est istada fata paris cun Martino De Rosa, su "manager" chi ghiat su setore "hospitality" de su "Gruppo Terra Moretti" de Erbusco e de "L'Albereta Relais e Chateaux" de Erbusco.

Tra sas primas 100 realidades de primore de "Forbes Italia 2022" agatamus su "Riso Passiu" de Aristanis, s'"Accademia Olearia" de s'Alighera e su ristorante casteddaju "Grotta Marcello".

In sa categoria de sos "migliori vini dell'anno" ant imbetzes otentu su reconnoschimentu: "La Contralta" de Terranoa, "Sella & Mosca" de s'Alighera e "Tenute Dettori" de Sènnaru. No est totu, pro ite in sa classìfica de "Forbes Italia 2022" intrat finas sa "Livegreen" de Aristanis, un'azienda de Sardigna chi est tra sas printzipales produtoras de spirulina biològica.

Cun sa cunsigna de una targa, sa premiatzione s'est isboligada in s'"hotel Principe di Savoia" de Milanu. S'addòbiu est istadu aprontadu dae "Forbes Italia" cun s'agiudu de "So Wine So Food".

Su chi ant otentu sas aziendas sardas est unu resurtadu de importu mannu, chi lis dat sa cunfirma de àere fatu produtos de calidade manna, produtos chi contant pro sa terra de Sardigna.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg