“Cibus”: su “Latte Arborea” in sa fiera internatzionale de s'agrualimentare "Made in Italy"

Presentados in Parma sos produtos e sas àteras novidades
4 Maju 2022
in sa mesa

In sa Mesa – In “Cibus”, sa fiera internatzionale de s'agrualimentare “Made in Italy”, b'est finas su Grupu "Latte Arborea" .

Sa "Cooperativa Assegnatari Associati Arborea", difatis, est presente in "Cibus" pro presentare sos produtos innovativos suos, e peri pro presentare un'istrategia noa de afortiamentu in su mercadu sardu, in su mercadu italianu e in su mercadu internatzionale puru.

in sa mesaSu Grupu Arborea est fatu de 190 aziendas agrìculas sotzias e in Sardigna est sa "leader" de su cumpartimentu de sa trasformatzione de su late. S'azienda at isseberadu s'editzione 2022 de sa fiera internatzionale de s'agrualimentare de Parma pro presentare su pianu annuale, fàghere connòschere sos produtos noos e peri fàghere connòschere s'istrategia de distributzione sighida in Sardigna, in Itàlia e in sos mercados de logu istràngiu.  

Sa novidade prus importante pertenet a su gioddu, chi at a bìere s'introduida de tres variantes noas, est a nàrrere: su gioddu cun sa "Stracciatella", su gioddu cun sa Nughedda e su gioddu cun sa "Vaniglia". Faeddamus de "A·Yo", est a nàrrere de su gioddu produidu cun una mescra de late de baca e de berbeghe 100% sardas. In prus de custu, si previt finas unu "restyling" gràficu de totu sa lìnia de su gioddu.  

In arribu novidades importantes puru pro sos produtos “Girau”, su marcu chi faghet produtos dae su late de sas berbeghes e dae su late de sas crabas. In su 2022, difatis, sa "Cooperativa Assegnatari Associati Arborea" at a traballare pro afortiare sa "leadership" sua in Sardigna e in totu su continente, e finas pro aumentare a manera ulteriore sa difusione de su late friscu de longa dura (ESL) e de su gioddu de craba. Non est totu. S'azienda at finas a traballare pro acabare sa colletzione de su late UHT intreu de craba, insertande sas cunfetziones de mesu litru e de unu litru. Grafica annoada peri pro sa linia "premium" de sa "Mozzarella Arborea" e  de su casu "Gran Campidano".

Custas novidades ant a èssere acumpangiadas dae unu pianu cummertziale istudiadu pro sa promotzione de sos produtos e pro sa crèschida costante de sa distributzione de su late UHT, sa primu categoria merceologica de sa Cooperativa, chi intro su 2022, puntat a lòmpere a una distributzione de su 66% in totu sa distributzione italiana.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg