In Igrèsias su "Campionato Nazionale di Pasticceria"

Su disafiu fiat dedicadu a sas iscolas alberghieras
9 Maju 2022
in sa mesa

In sa Mesa - In su "Campionato Nazionale di Pasticceria" dedicadu a sas iscolas alberghieras de Itàlia su primu prèmiu est istadu donadu a su "dessert" prus bonu. A bìnchere su disafiu natzionale sunt istados Mattia Sabatini e Silvia Giamello, duos giòvanos piemontesos de s' "Istituto Cillaro Ferrero" de Neive, una bidda in provìntzia de Cuneu.

Su "Campionato Nazionale di Pasticceria" est nàschidu dae un'idea de sa "Federazione internazionale pasticceria gelateria e cioccolateria" cun s'agiudu de su "Ministero dell'Istruzione" e de sa retza "Renaia" , est a nàrrere sa "Rete nazionale degli Istituti Alberghieri d'Italia". In sas dies dae su 3 a su 6 de su mese maju 2022 custa initziativa at peri indanimadu sas atividades de s'istitutu IPIA "Galileo Ferraris" de Igrèsias, s'iscola chi at acasazadu sa manifestatzione. Custa at àpidu comente protagonistas 30 iscolas, e su disafiu de 60 istudiantes chi ant creadu 60 durches de calidade.

S'editzione 2022 de su "Campionato Nazionale di Pasticceria" aiat comente tema: "La Sardegna: un'isola dolce e innovativa" e at àpidu sa realizatzione de unu "dessert" in pratu "Compostu" e de una "Monoporzione". Ambos aiant comente base un'ingrediente tìpicu sardu a marcu DOP, IGP, PAT e "Presidio Slow Food".

In segus de Sabattini e Giamello agatamus Elisa Brescacin e Alessia Pin de "IPSSAR A. Beltrame" de Vittorio Veneto (Trevisu), mentras su de tres postos l'ant otentu Alessandra D'amore e Paola Petrova Ivanova de s'"IISS Elena Di Savoia-Piero Casandrei" de Bari.

A sighire sunt istados assignados sos prèmios ispetziales: su "Premio Olva", chi est istadu dadu a Giulia Borgia e Valentina Campanella de s'"IIS Antonello" de Messina; su "Miglior equilibrio dessert", otentu dae sos sardos Giorgia Gaviano e Samuele Dentis de s' "IIS Azuni" de Casteddu; su "Miglior team", a Matteo Basso e Jessica Palmero de su "IIS Virginio Donadio" de Dronero; su "Miglior Haccp", dadu a Martina Cosenza e Federico Funari de s'"Ipseoa F. Buscemi" de San Benedetto Del Tronto.

Sos binchidores de su "Campionato Nazionale di Pasticceria" ant a fàghere unu "stage" professionale in sas ofellerias prus famadas de Itàlia.

S'editzione de su 2023 de su "Campionato Nazionale di Pasticceria" at a èssere acasagiada in s' "istituto Alberghiero "Cillaro Ferrero" de Neive.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg