Sos binos de Sardigna in sa XXX editzione de Cantine aperte

Sa manifestatzione est organizada dae su “Movimento turismo del vino”
20 Maju 2022
in sa mesa

In sa Mesa - Duas dies, sa de su 28 e sa de su 29 de custu mese, cun binu meda e de cada casta. Est custa sa sìntesi de sa de trinta editziones de “Cantine aperte”, organizada dae Mtv (no, non sa televisione musicale ma su “Movimento turismo del vino”) chi at a interessare 19 regiones de s’istadu italianu e 600 chentinas.

Custas sas chentinas de Sardigna chi ant a pigare parte a s’eventu in sos logos issoro: “Audarya” de Serdiana (Cannonau doc, Mònica doc, Nuragus de Casteddu doc, Vermentinu doc); “Aru” de Igrèsias (Cannonau doc e Vermentinu doc); “Lilliu” de Ussaramanna (Cannonau doc, Mònica doc, Muscadu doc, Nuragus de Casteddu doc); “Su ‘Entu” de Seddori (Cannonau doc e Vermentinu doc); “Olianas” de Xèrxei (Cannonau doc e Vermentinu doc); “La Contralta” de Lòiri (Cannonau doc e Vermentinu doc); “Surrau” de Alzachena (Cannonau doc e Vermentinu doc); “Muscazega” de Luras (Vermentinu de Gaddura docg); “Olbios” de Terranoa (Vermentinu de Gaddura docg); “Santa Maria La Palma” de S’Alighera (Alghero doc e Alghero Cagnulari doc); “Costadoria” de Codaruina (Cannonau doc, Muscadu, Vermentinu doc e Vermentinu de Gaddura docg); “Soletta” de Codronzanu (Cannonau doc, Muscadu, Vermentinu doc).

«Sas rechestas e s’interessu de sos enoturistas sunt creschende – leghimus in www.movimentoturismovino.it – e sas chentinas italianas si sunt aprontende pro acollire sos istràngios pro lis donare duas dies galanas. Medas sas initziativas programmadas peri sas regiones italianas chi no ant a mancare de espressare totus sas potentzialidades ofertas dae sos territòrios de sa penìsula dae nord a sud. Peri montes e montigros, peri lagos e prajas pro passigiare a pee, in bitzicleta, a caddu, ascurtende mùsica, rebotende cun produtos tìpicos o a chena interinende». Inoghe totus sas informatziones de sas chentinas sardas.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg