In Aristanis su progetu “BIOè LOGICO!”

Su 21 de su mese de làmpadas 2022 bator “workshop” asuba de sa massaria biològica
15 Làmpadas 2022
in sa mesa

In sa Mesa - At a èssere Aristanis sa tzitade chi su 21 de su mese de làmpadas chi at a bènnere at a acasagiare bator “workshop” de importu mannu asuba de sa massaria biològica. Seus faeddande de su progetu “BIOè LOGICO!”, una iniziativa – si leghet in su giassu internet de sa Regione Autònoma de Sardigna – chi est ghiada dae su Serbìtziu pro s'isvilupu rurale de s'”Agenzia Laore Sardegna”. Una iniziativa, tocat a lu sutalineare, chi donat a sa massaria biològica s'importantzia chi si meresset.

Su tìtulu de sos bator “workshop” est “Innovazione, prospettive e buone pratiche a confronto, per un agricoltura BIO di qualità”. Unu tìtulu chi indicat sa sustàntzia e finas s'importàntzia de s'initziativa. Custu progetu, difatis, acontessent in unu momentu pretzicu, est a nàarrere cando cumentzat a si spainare sa sensibilidade pro sos màndigos produtos dae sa massaria biològica.

S'”Agenzia Laore Sardegna” at organizadu custu progetu cun s'agiudu de su “Distretto Bio Sardegna” e cun su patrotzìniu de sa Provìntzia de Aristanis. Est importante sutalineare ca pro custa ocasione s'at a pòdere finas ascurtare sa relata de Pietro Gasparri, su responsàbile pro sa massaria biològica de su “Ministero delle politiche agricole alimentari e forestali” de s'Istadu italianu.

A pustis de sa relata de Gasparri sos produtores de sas aziendas biològicas ant a èssere sos protagonistas reales de sos "workshop". At a èssere unu momentu de interessu mannu, pro ite s'at a donare importantzia a su chi si devet faghere pro coltivare sos produtos biològicos comente Deus cumandat.

Pro s'ocasione ant a faeddare finas sos asòtzios de categoria. Tocat a sutalineare ca pro chie at a leare parte a s'initziativa s'Ordine de sos agrònomos at a dare creditos pro sa formatzione obligatòria.

S'addòbiu est pro sas 9.30 de su 21 de làmpadas in sa Provìntzia de Aristanis, in arruga Enrico Carboni 4, ma s'at a pòdere sighire peri online in Zoom (ID addòbiu: 860 5787 1231; Passcode: 412816)

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa Mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg