In Casteddu "Il Vermentino: il vitigno del Mediterraneo alla conquista del mondo"

Sàbadu 25 de su mese de làmpadas un'addòbiu pro chistionare de una de sas bides de àghina bianca sarda prus famada in s'ìsula e addae de sas làcanas suas
22 Làmpadas 2022
in sa mesa

In sa Mesa - Sàbadu 25 de su mese de làmpadas 2022, in Casteddu si faeddat de bides cun su cunvegnu chi at comente tìtulu:"Il Vermentino: il vitigno del Mediterraneo alla conquista del mondo". Su cunvegnu s'at a isboligare in su cuntestu de sa de duas editziones de su "Concorso enologico internazionale sul Vermentino", sa manifestatzione acasagiada dae sa primu tzitade de Sardigna dae su 24 a su 25 de su mese de làmpadas.

"Il Vermentino: il vitigno del Mediterraneo alla conquista del mondo" est organizadu dae s'assòtziu "no-profit"  "APS Promo Eventi" cun su patrotzìniu  de sa Regione Autònoma de Sardigna, de sa Comuna de Casteddu, de s'"Agenzia Laore Sardegna" e finas de "Coldiretti Sardegna".

S'addòbiu dedicadu a su binu s'at a isboligare in sa sala cunferentzias  de "Sa Manifattura", in s'arborada "Regina Margherita", su nùmeru tzìvicu est su 33.

Sos traballos de "Il Vermentino: il vitigno del Mediterraneo alla conquista del mondo" at a incumentzare  a  sas 9:30. Su cunvegnu at a èssere introduidu dae Mario Bonamici, de "APS Promo", dae s'assessora de s'Assessoradu de s'Agricultura e Reforma agropastorale Gabriella Murgia, dae Gerolamo Solinas de "Laore Sardegna", dae su funtzionàriu de sa Ras Ferdinando Secchi, dae Luca Saba de "Coldiretti Sardegna" e dae su Presidente de su "Concorso enologico internazionale sul Vermentino" Pierpaolo Lorieri. Sa presentatzione de unu libru chi faeddat pròpiu de su Vermentinu at a tancare sos traballos de cumentzu. Sa presentatzione at a èssere a incuru de Pierpaolo Lorieri e Mario Fregoni.

Su cunvegnu at a èssere moderadu dae Valerio Vargiu. "Il Vermentino: il vitigno del Mediterraneo alla conquista del mondo" at a bìdere sas relatas: "L'informazione digitale per la conoscenza delle risorse vitivinicole in Sardegna" de Francesca Fantola ("Laore Sardegna"); "I sentieri digitali dell'enologia nel mondo" de Massimiliano Pirino e de Claudio Carboni, de "ESRI Italia"; "Il Vermentino in Sardegna: storia di un vino tra leggenda e storia" de su bingiateri Antonio Mancini; "Le opportunità del comparto biologico" de Andrea Campurra, Presidente de sa "Fondazione Distretto Sardegna Bio"; "Il web digital marketing con focus sull'e-commerce del vino" de Susanna Alonso, de s' "Agenzia Sorsi di Web". Su cunvegnu at a èssere concruidu dae sos interventos de sos produtores furisteris: Jason Haas, de s'Azienda "Tablas Creek" "PasoRobles", California (USA); Greg Grigoriou, de s'Azienda "Delinquente Wine&Co" "South Australia"; Michela Sfiligoi e Attilio Dalpiaz, de s'Azienda "Nomoya" (Sud Africa).

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg