Torrat su "Birralguer - Sardinian Craft Beer Fest"

Su fèstival de sa birra màstrina de s'Alighera lompet ocannu a sa de bìndighi editziones
20 Làmpadas 2022
in sa mesa

In sa Mesa - Dae su 23 de su mese de làmpadas a su 25 de su mese làmpadas 2022, s'Alighera si bestit de festa pro alabare sa birra màstrina. S'ocasione est sa torrada de su "Birralguer - Sardinian Craft Beer Fest". Su fèstival, chi lompet ocannu a sa de bìndighi editziones, s'at a isboligare in "Piazzale della Pace".

S'editzione 2022 de su "Birralguer - Sardinian Craft Beer Fest" torrat a su "format" originàriu suo e lu faghet aprontande una festa manna cun duos "special guest", est a nàrrere "Frankie hi-nrg mc" e "Train To Roots". Tocat a pretzisare, però, ca sa tarea de abèrrere sa ghenna a s'istade musicale de sa "Riviera del Corallo" at a tocare a unos cantos artistas sardos.

S'"Associazione di promozione turistica Beach Group Alguer", chi at comente "partner" istitutzionales sa Comune de s'Alighera, sa "Fondazione Alghero" e sa "Fondazione Sardegna" at a organizare su fèstival aligheresu de sa birra màstrina.

Ma cale est su coro de su "Birralguer Sardinian Craft Beer Fest"? Su coro de su "Birralguer Sardinian Craft Beer Fest" est sa Sardigna etotu. Difatis onni territòriu de s'ìsula at a èssere rapresentadu dae sos 14 birrifìtzios chi faghent birra màstrina e dae sos mastros birraios issoro.

Sos ingredientes de su fèstival ant a èssere tres: sa birra màstrina, sa mùsica e sa cultura gastronòmica
. Onni ingrediente est un'elementu de calidade.

10 sos "stand" e "track food" chi ant a ofèrrere licanzias dae totu su mundu. Un'atentzione manna at a èssere dedicada a sa coghina de Sardigna in versione "street food". No est totu. Su fèstival at a rapresentare finas s'ocasione pro bìdere su traballu de unos cantos "chef" famados meda: at a èssere su momentu de sos "show cooking" pùblicos.

Ant a leare parte a su fèstival de s'Alighera sos birrifìtzios sardos: "Dolmen" de Uri; "Centoteste" de Tortolì; "BAM" de Mòguru; "'Nora" de Ulìana; "Apistica Tocco" e "Birra Sòrrisi" de Bidd'e Sorris; "Isola" e "Seddiau" de Tièsi; "Coros" de Ùsini; "Doppio Malto" de Igrèsias; "Chemu" de Casteddu; "Sorres" de Boruta; "Astore" de Tàtari; "Nugoresa" de Nùgoro.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg