Biddanoa Monteleone: torrat “Chenamos in carrela” 2022

Organizadu da sa Pro loco, s'atopu at sa punna de valorizare sos màndigos produidos in su territòriu
28 Argiolas 2022
in sa mesa

In sa MesaSu nùmene suo est “Chenamos in carrela” e est un'atopu enogastronòmicu in programma pro gioja 4 de su mese de austu 2022 in sa bidda de Biddanoa Monteleone, comuna de sa provìntzia de Tàtari cun 2150 abitantes pagu prus o mancu. Unu logu chi s'agatat tra su mare e su monte, unu tzentru in ue sa bellesa est sa mere de domo.

Chenamos in carrela” at a èssere un'atopu importante pro sa bidda. Organizadu da sa Pro loco, difatis, s'apuntamentu at sa punna de valorizare sos màndigos produidos in su territòriu.

Cando sa Pro loco de Biddanoa Monteleone at detzisu de aprontare cust'atopu l'at fatu pro ammentare sa traditzione de sos bichinados. In s'antigu, difatis, in Biddanoa Monteleone in s'istadiale onni famìlia faghiat sa chena pro la mandigare in cara de domo paris cun amigos e parentes. Gosi, “Chenamos in carrela” cherret ammentare custa traditzione ma in die de oe cherret finas fàghere connoschere a sa gente sos màndigos tìpicos de sa comunidade, sos chi si faghent cun sa petza bella produida dae sos allevamentos de sos pastores chi bivent in sa bidda etotu.

S'atopu, duncas, at a èssere una festa manna pro su paladu de sos visitadores, una festa chi est organizada in sa pratza manna de Biddanoa, in su tzentru istòricu de sa bidda.

In sos annos colados “Chenamos in carrela” at acasagiadu finas a 500 pessones e at fatu connòschere a sos turistas chi sunt lòmpidos in sa comuna de sa Provìntzia de Tàtari sas produtziones de su logu e sos pratos tìpicos de sa coghina biddanoesa.

Tocat finas a pretzisare ca onni annu sos organizadores ammaniant màndigos diversos, e custu cùmbidu chi mudat gosi est una cosa chi praget a sa gente.

Pro s'editzione de su 2022 sos pratos ant a èssere màndigos fatos cun sa petza de sas aziendas de sa bidda, casu de su logu, sos ciciones e finas su pane de sa traditzione, est a nàrrere: su dau, su pizzu, su zichi, su pane ammoddigau. Infines sos durches tìpicos.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

 

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg