Pasada: primu firmada de su “Beer Food Summer Fest”

S'addòbiu est pro s'8, su 9 e su 10 de su mese de trìulas de su 2022
7 Argiolas 2022
in sa mesa

In sa Mesa - Arribat in Pasada sa primu firmada de su "Beer Food Summer Fest”. Pro sa birra màstrina de Sardigna e su "street food" sardu, difatis, s'8, su 9 e su 10 de su de su mese de trìulas de su 2022 ant a èssere tres dies de festa manna.

Su "Beer Food Summer Fest" s'at a isboligare incumentzande dae sas 17.00 de s'8 de su mese de trìulas in su parcu Tanzi, àrea de s'ex campègiu de sa politzia, in cara de sa plàia de "San Giovanni". Faeddamus de s'omònima fratzione de Pasada, localidade chi s'agatat tra Budune e Thiniscole.

A acumpangiare sa birra de Sardigna at a èssere unu "street food" sardu, licanzu e nuscosu.

De ogni manera, sa "Beer Food Summer Fest" no at a afestare feti sa cosa de bufare e de mandigare, pro ite finas s'artesanadu e sos produtos fatos dae sos hobbistas ant a arrichire custa festa.

Sos 20 "stand" acasagiados in su parcu Tanzi ant a èssere allegrados dae mùsica bona. Sa primu die at a èssere protagonista de sa festa unu "dj set", sa de duas dies su cuntzertu de sos "Golaseca" e sa de tres dies su "show" de Luca Martelli, su baterista de sos "Litfiba.

No est acabada inoghe, pro ite sa "Beer Food Summer Fest" dat atentzione manna finas a sos minoreddos, e lu faghet cun giostreddas, ispetàculos de maja e giogos. Totu a indonu.


Sa "Beer Food Summer Fest" s'at a isboligare in su cuntestu de sa manifestatzione "Seras de istiu". Una manifestatzione pensada pro s'"Estate Posadina 2022".

Onni die su programma de sa "Beer Food Summer Fest" previdit s'abertura a sas 17.00 de sas coghinas de su "street food" - sunt sas matessi coghinas chi dant a sa gente sa possibilidade tastare sas retzetas primorosas fatas cun produtos de su territòriu - e de sos "stand" de sa birra màstrina de Sardigna. In su matessi oràriu ant a incumentzare finas sos ispetàculos pro sos minores. Su "DJ set" de s'8, su cuntzertu de su 9 e su "show" de su 10, imbetzes, s'ant a isboligare a sero.

Pro leare àteras informatziones subra sa "Beer Food Summer Fest" si podet telefonare a su nùmeru: 39 338 631 2088.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg