"Sa Laurera": un'azienda agrìcula cualificada in massaria istòrica

Custa realidade produtiva s'agatat in Biddanoa 'e Forru e est nàschida in su 2013
27 Argiolas 2022
in sa mesa

In sa Mesa – Su nùmene suo est “Sa Laurera”, est un'azienda de massajos e s'agatat in Biddanoa 'e Forru, est a nàrrere in sa in sa regione sarda de sa Marmidda.

Sa de “Sa Laurera” est una realidade produtiva de interessu mannu. Nàschida in su mese de abrile de su 2013 dae sa conca de Marianna Virdis e dae cussa de su maridu Francesco Mascia, rapresentat un'esempru importante de azienda agrìcula sustenìbile.

Ma faghimus una pariga de passos in dae segus. Pro ite “In sa Mesa” faeddat de custa realidade produtiva de sa Marmidda? Pro ite “Sa Laurera” est un'azienda cualificada in massaria istòrica. Custa, difatis, est una realidade chi at sa cualìfica pro mandare a dae in antis su recùperu de sas ratzas antigas de ortalìtzias e peri su recùperu de sas maneras de las arare e de gestire su territòriu cumente si faghiat in s'antigòriu.

Unu de sos ùrtimos esèmpros de recùperu est rapresentadu dae sa coltivatzione de su melone “fasciato” de Pauli, una ratza bella meda chi produit frutos chi ant unu sabore ispantosu.

S'azienda est fata dae unas cantas terras in ue sunt aradas sas ortalìtzias chi bisòngiant a una famìlia durante sas diversas istajones de s'annu, est a nàrrere ca sos massajos de “Sa Laurera” traballant sa terra sighinde su ritmu biològicu de sos fundos e de sos animales. No est pro nudda ca sos prodotos coltivados dae custa realidade agrìcula – chi andant dae su trigu a sas ortalìtzias - sunt bellos e e de sabore.

Ma no est totu, pro ite, sos meres de s'azienda agrìcula marmiddesa annanghent peri amore e rispetu pro s'ambiente a s'amparu de sa biodiversidade. Comente amus giai atzinnadu, difatis, “Sa Laurera” est una realidade produtiva ecosustenìbile.

Paris a sas tècnicas noas, tocat a sutalineare ca sas cresuras e sas tècnicas antigas de traballu sunt su coru de totu su traballu fatu in sas terras de custa azienda sarda.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg