Sa Sardigna e su "Concours Mondial de Bruxelles": "sessione Vini dolci, fortificati e ossidativi"

Sa manifestatzione s'at a isboligare dae su 20 a su 23 de su mese cabudanne
5 Argiolas 2022
in sa mesa

In sa Mesa - B'at galu tempus pro s'iscrìere a sa "sessione Vini dolci, fortificati e ossidativi" de su "Concours Mondial de Bruxelles": s'iscadèntzia de s'iscritzione, difatis, est previdida su 1 de su mese de austu 2022.

Sa manifestatzione internatzionale de su binu s'at a isboligare dae su 20 a su 23 de su mese cabudanne 2022.

Una giuria de espertos ispetzializados at a giuigare sos binos chi ant a leare parte a su "Concours Mondial de Bruxelles". Sa giuria at a èssere fata de 50 giùighes internatzionales chi, in s'ìnteri de sas tres dies de tastos, ant a èssere ingimiriados a valutare prus de 600 campiones de binu e l'ant a fàghere sighende sos protocollos de su cuncursu etotu. Sos giùighes ant a àere un'obietivu feti: individuare binos de calidade manna, a manera indipendente dae s'eticheta e dae su prestìgiu de sa denominatzione.

Ocannu s'editzione 2022 de sa manifestazione "Concours Mondial de Bruxelles - Sessione Vini dolci, fortificati e ossidativi" s'at a isboligare in Sitzìlia, in una regione chi at tra sas bides prus bellas de s'ìsula. At a acasagiare su cuncursu sa tzitade de Marsala, logu chi at su matessi nùmene de su binu licorosu famadu in tutu su mundu.

Pro leare parte a sa "sessione Vini dolci, fortificati e ossidativi" de su "Concours Mondial de Bruxelles" sos produtores sardos de binu devent ammentare una sèrie de iscadèntzias, est a nàrrere sa data de serrada de sas iscritziones, su 1 de su mese de austu de su 2022; sa data lìmite pro s'imbiu de sos campiones, su 15 de su mese de austu de su 2022; sa data de su cuncursu, su 20 de su mese de cabudanne de su 2022; sa data de sos resurtados de sa gara, su 14 de su mese de santugaine de su 2022.

Pro àere àteras informatziones e pro aderire a sa "sessione Vini dolci, fortificati e ossidativi" de su "Concours Mondial de Bruxelles" tocat a intrare in su giassu de sa manifestatzione.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags