Sardigna e Azorras, un’eventu pro las acurtziare

Duas dies in Casteddu pro iscobèrrere e tastare sos màndigos de Sardigna e de sas Azorras
8 Argiolas 2022
in sa mesa

In sa Mesa - Duas dies in Casteddu pro iscobèrrere e tastare sos màndigos de Sardigna e de sas Azorras, de sos sartos in intro de custas ìsulas e de sos mares chi las infundent. «Nch’istamus in una terra ispantosa – leghimus in sardiniameetsazores.eu – rica de elementos ùnicos e de produtos tìpicos: s’ispìritu de sa Sardigna nos acumpàngiat in cada logu nche crompimus e, mirende a su mare, non b’at sardu chi non penset a s’ìsula sua. Una caraterìstica, custa, chi bàntzigat in intro de cada isulanu, sena cunsiderare dae ue issu bèngiat».

S’apuntamentu “Accorciamo le distanze – Filiera corta tra terra e mare” est pro s’8 e su 9 de argiolas. Movende dae sos printzìpios de innovatzione, cooperatzione e collaboratzione, sena renuntziare a sa punna de sa sustenibilidade econòmica e ambientale, sos organizadores pensant a custu eventu comente a «unu primu passu pro fraigare una realidade noa, unu sistema de relatziones de dura e a tretu de promòvere sas etzellèntzias e sos produtores interessados sena nche tòddere sas particularidades ma, antis, avalorende·las in unu progetu comune».

Intre sas produtziones sardas mentovados sos binos Vernaccia e Carignano, su tzanfaranu, su casu de berbeghe niedda, sos culurgiones. In contu de territòrios sas etzellèntzias sunt rapresentadas dae sos Gigantes de Mont’e Prama, su Nuraxi de Barùmini, sas dunas de Piscinas, Perda ’e Liana e Porto Flavia.

In su situ internet www.sardiniameetsazores.eu si podet agatare e iscarrigare su programma intreu de s’eventu e unos cantos archìvios multimediales. Su progetu est finantziadu dae su fundos europeos Fears e Feamp, dae sa Repùblica italiana e dae sa Regione sarda, dae su Psr Sardegna 2014-2020. Partner sos Gal Sulcis, Sinis, Ogiastra, Marmilla, Nuoresu-Baronia, Linas Campidanu e sos Flag Sardegna sud otzidentale, nord, orientale e tzentru otzidentale.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg