A sa de 26 editziones sa “Sagra delle Lorighittas” de Mragaxòri

Sa rassigna gastronòmica est in programma su 6 e 7 austu
1 Austu 2022
in sa mesa

In sa Mesa – Est unu màndigu bonu e finas bellu de bìdere. Semus faeddande de sas lorighitas, sa pasta traditzionale chi faghent in sa bidda de Mragaxòri, una comuna de 650 ànimas pagu prus o mancu chi s'agatat a peales de su Monte Arci, in sa Provìntzia de Aristanis.

Ocannu, su 6 e su 7 de su mese de austu 2022, sa bidda de Mragaxòri at a afestare sa de 26 editziones de sa “Sagra delle Lorighittas”, unu màndigu de sa traditzione de Sardigna chi at otentu peri unu reconnoschimentu ufitziale importante dae sa Regione Autònoma de Sardigna. Sas lorighitas, difatis, sunt unu produtu a marcu PAT, est a nàrrere ca sunt unu “Prodotto Agroalimentare Traditzionale”.

Fatas cun sìmula, sale e abba, sas lorighitat ant unu nùmene chi regordat sa lòriga, est a nàrrere ca sa forma issoro est sa de un'aneddu. Una manera comente àteras pro nàrrere ca custos màndigos ant s'aparèntzia de una prenda, e difatis amus pretzisadu ca custa pasta no est feti bona, pro ite est finas est una bellesa a la bìdere.

Ma torramus a sas duas dies de sa manifestatzione de Mragaxòri, pro ite tocat a pretzisare ca s'atopu at a èssere antitzipadu dae sa primu abertura de sa mustra de su tapete e de s'aratzu chi s'at a isboligare in su tzentru istòricu de sa bidda a sas 18.00 de su 6 de austu chi at a bènnere. In prus a sas 21.00 sa comunidade at a pòdere ascurtare su cuntzertu de “Antonello Salis and Friends” chi est in programma pro su festival de mùsica DROMOS.

Su 7 sas protagonistas de sa manifestatziones ant a èssere feti sas lorighitas. Sa sagra, difatis, at a abèrrere a sas 18.00 de su merie e s'at a mandigare dae sas 19.30. Sa de duas dies de sa manifestatzione culturale e grastronòmica at in programma finas àteros ispetàculos: sa mùsica de Giuliano Marongiu dae sas 22.00 e a sas 18.30 s'isfilada de sos bestires traditzionales.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg