Su mele Terrantiga premiadu in Gùspini

S'ocasione est istada sa de 22 editziones de su cuncursu regionale "Premio Qualità Mieli tipici della Sardegna"
29 Austu 2022
in sa mesa

In sa Mesa - In su mese de abrile de ocannu amus giai iscritu una nova supra custa realidade produtiva. S'ocasione est istada rapresentada dae sos resurtos importantes otentos in s'editzione de su 2022 de su prèmiu internatzionale "Biolmel" organizadu in Matera cun sa collaboratzione de su Crea, est a nàrrere su Cosìgiu pro sa chirca in agricultura e s'anàlisi de s'economia agrària de su Ministeru de sas Polìticas agrìculas de s'Istadu Italianu.

In die de oe depimus torrare a faeddare de custa azienda chi s'agatat in Santu Sparau, pro ite sos produtos suos torrant a bìnchere prèmios importantes. Semus faeddande de Terrantiga, chi custa borta at boddidu sos frutos de su traballu suo in Sardigna etotu. S'ocasione est istada sa de 22 editziones de su cuncursu regionale "Premio Qualità Mieli tipici della Sardegna" de Gùspini, una manifestatzione importante chi comente narat su nùmene suo at sa punna de premiare sos meles sardos tìpicos e de calidade. Pro s'editzione de su 2022, tra sos meles premiados e chi sunt artziados a pitzu de su pòdiu b'est su mele de ariputzu produidu pròpiu dae Terrantiga.

Gosi, sàbadu 27 de su mese de austu, sos meres de s'azienda de Santu Sparau at retzidu su prèmiu pro custu produtu issoro, unu mele chi est istadu giuigadu su mègius mele de ariputzu fatu in Sardigna.

Su prèmiu andat a sas produtziones de primore de Terrantiga, ma finas a sa filosofia sua. Difatis, su chi tocat a pretzisare est ca Terrantiga est una realidade chi bivet dae bator inzenneros pesande abes. Custa realidade est nàschida dae sa conca de Salvatorangelo Deriu e Assunta Collu comente azienda de produtores. Sa cosa prus importante, però, est ca Terrantiga faghet custu traballu respetande sa natura. Sos de Terrantiga sunt allevamentos de abes pesadas a manera sustenìbile, ètica e neta.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg