Biddanoa 'e Forru: sagra de sa "Simbua frita cun satitzu" e de su "Cixiri cun peis de procu"

In programma finas unu cunvegnu dedicadu a sas birras màstrinas de Sardigna
7 Cabudanni 2022
in sa mesa

In sa Mesa - Una festa in ue sos protagonistas ant a èssere su paladu de sos bisitadores e sos sabores de una coghina sèmplitze. Semus faeddande de sa de 15 editziones de sa manifestatzione "Mestieri, saperi e sapori del passato", chi est in programma in Biddanoa 'e Forru su 10 e s'11 de su mese de cabudanni chi ant a bènnere e chi previdit unos cantos atopos dedicados a s'agroalimentare e a sa valorizatzione sua. Tra sos apuntamentos b'ant a èssere sa sagra de "Simbua frita cun satitzu" e sa sagra de su "Cixiri cun peis de procu".

Sa manifestatzione, organizada dae sa Comuna de Biddanoa 'e Forru, dae sa Pro loco de sa bidda e dae sa "Coop. Turismo in Marmilla", at sa punna de avalorare sa produtziones locales e sa de fàghere connòschere sos sabores de su territòriu. Bisòngiat finas a sutalineare ca, dae cando est nàschida, custa rassigna la faghent in su de duos fine de chida de su mese de cabudanni e ocannu puru s'at a isboligare su fine de chida de sàbadu 10 e domìniga 11 de cabudanni.

Tocat a pretzisare ca sa sagra dedicada a sa "Simbua frita cun satitzu" lompet ocannu a sa de 15 editziones, mentres sa de su "Cixiri cun peis de procu" arribat a sa de noe editziones. Custos ant a èssere duos momentos de importu pro sa comunidade pro ite s'obietivu issoro est su de fàghere connòschere su ligàmene de sos biddanoesos cun sa traditzione gastronòmica de sa bidda.

Sa novidade de su 2022 at a èssere rapresentadu dae un'atopu dedicadu a sos birrifìtzios màstrinos de Sardigna. Difatis, s'11 de cabudanni a is 18.30 s'at a isboligare unu cunvegnu dedicadu a su tema "Dal campo alla birra: l'agricoltura sarda incontra i birrifici artigianali". At a sighire su tastu de sas produtziones brassìcolas de su territòriu de sa Marmidda.

In sas duas dies sos momentos de sas sagras at a èssere dedicadu a su tastu de sos màndigos tìpicos.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg