Sos mègius binos de Sardigna 2023: online sa "Guida ai migliori vini della Sardegna 2023"

Reconnoschimentu pro 77 etichetas
15 Cabudanni 2022
in sa mesa

In sa Mesa - Est “online” e est a indonu sa ghia de sos mègius binos de Sardigna. Semus faeddande de sa "Guida ai migliori vini della Sardegna 2023", chi apartenet a su giornale “Vinodabere.it”.

Sa Sardigna at otentu su màssimu reconnòschimentu pro 77 binos. Unu nùmeru bellu, unu nùmeru chi torrat onore a su traballu de sos bingiateris de Sardigna. Duncas, 77 etichetas isulanas ant otentu sa "Standing ovation", est a nàrrere su reconnoschimentu màssimu prevìdidu dae sa ghia etotu.

Tra sas etichetas premiadas bi sunt "Ruinas 2021" de “Depperu”, "Festa Norìa" de sa "Cantina Santadi" e "Mandrolisai Rosso 1921 2020" de "Il Risveglio". Tocat a pretzisare ca custos binos sunt lòmpidos a unu puntègiu de 100 tzentèsimos.

Sa "Guida ai migliori vini della Sardegna 2023", chi est a incuru de Maurizio Valeriani e Antonio Paolini, oferret una rapresentatzione atenta de su mundu de s'enologia in Sardigna. Sa ghia faeddat siat de sas realidades produtivas connòschidas e famadas siat de sas realidades chi sunt a tesu dae sos rifletores; faeddamus de aziendas chi ant cosa meda de contare.

In sa "Guida ai migliori vini della Sardegna 2023" si faeddat a manera puntuale finas de s'impignu de sos chi traballant in bìngia e in cantina.

Sunt 211 sos binos analizados dae sos espertos de sa ghia e sunt totus bèvidas chi ant otentu unu puntègiu prus artu de 91 tzentèsimos. Sunt binos produidos in ogni cugione de Sardigna.

Su de sa "Guida ai migliori vini della Sardegna 2023" est unu biàgiu tra sos territòrios de su binu biancu, de su binu nieddu, de su binu rosadu e de su binu passitu; unu biàgiu tra sas bides autòctonas nòdidas e finas tra sas bides chi si devent valorizare galu.

Unu contu, su de ghia, ricu de istòria, traditziones, logos, pessones; unu contu interessante meda, chi si ligat finas a sa coghina tìpica de ogni territòriu.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg