Gèsigu afestat a sa croca

Lompet a sa de 30 editziones sa “Sagra della Lumaca”: addòbiu cun antitzipatzione sàbudu 8 de su mese de ledàmine
6 Ladàminis 2022
in sa mesa

In sa Mesa - Gèsigu afestat a sa croca. Torrat in Trexenta sa "Sagra della Lumaca", s'addòbiu chi s'isbòligat durante sa festa de Sant'Amadu Màrtire, un'apuntamentu chi lompet ocannu a sa de 30 editziones.

Un'editzione, sa de su 2022, chi at una novidade importante, est a nàrrere un'antitzipatzione, chi est in programma sàbadu 8 de su mese de ledàmine. A pustis de s'antitzipatzione sa sagra at a torrare dae su 14 a su 17 de su mese ledàmine etotu.

Cun sa "Sagra della Lumaca" torrant peri sos tastos de crocas a indonu e sa festa de sa birra e de su "street food". A allegrare sa manifestatzione b'ant a èssere peri su "flamenco" e su cuntzertu de Maria Giovanna Cherchi.

Pro sa "Sagra della Lumaca" no ant a mancare finas sas garas gastronòmicas, sas mustras, sos cunvegnos e sas presentadas de libros.

Sàbadu 8 de su mese ledàmine a sas 18.00, in su tzentru servìtzios "Centro servizi S'Olivariu", sa sagra at a èssere aberta dae su cunvegnu "Percorsi enogastronomici, culturali e naturalistici". A sas 20.00, in Localidade Su Livariu, sa sagra sighit cun sa "kermesse" enogastronomica "La lumaca d'oro". Sa "kermesse" est organizada cun s'agiudu de su ristorante de "Andrea & Marta" e at èssere presentada de Pierpaolo Argiolu de "In cucina con cozzina". Ant a leare parte a sa manifestatzione sos ristorantes: "Madonna d'Itria" de Guasila; "La forchetta" de Mandas; "Alma" de Samatzai; "La torre" de Mara Arbarei, "Andrea & Marta" de Gèsigu; "Il bambù" de Casteddu; b'ant a èssere puru sos agriturismos "Le vigne ducali" de Mandas e "La Pintadera" de Assèmini e sa pro Loco de Gèsigu.

A pustis de s'8 de su mese de làdamine, sa sagra at a torrare chenàbura 14 a sas 15.00 cun sa "25ma corsa delle lumache". Sa festa at a durare fintzas a lunis 17. Sàbadu 15 a sas 15.00 sa "Sagra delle Lumache" at a abèrrere cun sa "Fiera Agricola" e sa "Fieralibri". Sos tastos de croca a indonu ant a incumentzare a sa 16.30 in sa palestra comunale. Casa Dessì, imbetzes, at a acasagiare sa mustra de arte contemporanea a incuru de Roberto Lai. Sa mustra at su tìtulu "Antioco: il Santo venuto dal mare". A sas 18.30, in pratza Fausto Cuccu s'at a isboligare s'ispetaculu in tres tempos de sa "Compagnia di Flamenco Flores" de Lisa Flores (Roma). At a serrare sa die de festa su cuntzertu de Maria Giovanna Cherchi.

Su 16 ledàmine at a èssere una die de Missa, de libros, de cantos e de ballos. Sa "Sagra della Lumaca" at a serrare lunis 17 a sas 19.00 cun sos fogos artifitziales e sa torrada de Santu Amadu.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg