Las Plassas: torrat sa ”Sagra dei Legumi”

S'addòbiu cun sa de bìndighi editziones est pro domìniga 30 de su mese de ledàmine
27 Ladàminis 2022
in sa mesa

In sa Mesa - A pustis de unu pasu de duos annos pro more de su Covid-19, torrat sa "Sagra dei Legumi" de Las Plassas. S'addòbiu, organizadu dae sa "Pro Loco" de sa bidda paris cun sa Comuna, s'at a isboligare domìniga 30 de su mese de ledàmine. In s'editzione de su 2022 at a lòmpere a sa de bìndighi editziones.

Su programma de sa "Sagra dei Legumi" de Las Plassas est interessante e ricu de apuntamentos. Difatis incluit finas unu pràngiu a Km0 aprontadu paris cun sos istudiantes de s'"Istituto Alberghiero G.B. Tuveri" de Mara Arbarei. Su “menu” at a èssere fatu totu cun legùmenes. In prus de su pràngiu, sa die de festa manna at a èssere arrichida finas dae una mustra mercadu de sos produtos agrualimentares e de s'artesanadu. In programma finas ballos in pratza, mùsica itinerante, presentadas de libros, cunvegnos, laboratòrios e meda àteru.

A sas 10.00, sa "Sagra dei Legumi" at a abèrrere sa die chi afestat sos legùmenes cun sa mustra mercadu de sos produtos agrualimentares e de s'artesanadu.

A sas 10.30, imbetzes, in s'"Ex Convento dei Frati Cappuccini" est prevìdidu unu cunvegnu pro faeddare de legùmenes.

A borta de die s'at a faeddare de libros cun su romanzu de Cristina Caboni "La via del miele" e cun sa "Mostra Bibliografica a tema".

Semper a borta de die s'ant a isboligare sos laboratòrios pro sos pitzinnos "Bombe di Semi" e "Mosaico di Legumi". No est totu, pro ite in programma b'at peri unu laboratòriu interessante pro sos mannos: est unu laboratòriu de frègula e de cocoi pintadu e at a èssere ghiadu dae sa Mastra Santina Contu.

In sa "Sagra dei Legumi", comente amus atzinnadu, no at a mancare sa mùsica, e at a èssere una mùsica itinerante paris cun Marco e Tea e sa "Giardinetta" issoro "Bianchina". A sas 17.30 sos ballos in pratza ant a allegrare a manera ulteriore sa "Sagra dei Legumi".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg