Sòrgono: un'atopu importante pro sos bingiateris chi ant unu progetu de agricultura biològica

Unu cunvegnu organizadu dae sa Pro Loco de Sòrgono
24 Ladàminis 2022
in sa mesa

In sa Mesa - Ant faeddadu de sa coltivatzione de sa bide a manera biològica. Semus chistionande de s'atopu "Viticoltura Biologica e sostenibilità ambientale: lo stato dell'arte in Sardegna", chi ant fatu in Sòrgono sàbadu coladu, est a nàrrere su 22 de su mese de ledàmine. S'apuntamentu, chi est incumentzadu a sas 9.00 de su mangianu, est istadu un'ocasione meda importante e de interessu pro sos bingiateris chi ant unu progetu de agricultura biològica.

S'atopu, incluidu in sa de VII editziones de su "Salone Wine & Sardinia", est istadu insertadu in su programma de "Autunno in Barbagia". Aprontadu dae sa Pro Loco de Sòrgono paris cun s'"'Ordine dottori agronomi e dottori forestali" de sa Provìntzia de Nùgoro, cust'apuntamentu at àpidu su patrotzìniu de s'Agentzia Laore de sa Regione Autònoma de Sardigna.

Su cunvegnu est istadu un'ocasione importante pro faeddare de binu produidu a manera biològica. Sas relatas sunt istadas una prus interessante de s'àtera, a incumentzare dae sa prima, intitulada "Scenari e prospettive per lo sviluppo della viticoltura biologica nel Mandrolisai", cando at faeddadu Riccardo Laconi, cordinadore de sa "U.O. Agricoltura biologica" de s' "Agenzia Laore Sardegna", pro arribare a sa de s'agronomu Giampaolo Usai, chi at faeddadu de sa tzertificatzione de sos binos biològicos. No est acabada inoghe, pro ite unu momentu bellu de s'atopu est istadu cando sas cantinas etotu sunt divènnidas sas protagonistas de sa die. Difatis, su cunvegnu at dadu sa possibilidade de si contarea carchi realidade produtiva. Protagonistas de custa sessione sunt istados, difatis, Andrea Mura de "AMAR", una cantina biològica de Sòrgono etotu; Filippo Podda de sa cantina "Meana-Terra del Mandrolisai" e Marco Demuru de sas "Cantine Demuru".

Ant leadu parte a s'atopu: Aldo Buiani, diretore de sa "Fondazione Distretto Bio", su sìndigu se Sòrgono Francesco Zedde; Enzo Ibba de s'"'Ordine dottori agronomi e dottori forestali" de sa Provìntzia de Nùgoro.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg