41 bis, si nde faeddat in Tàtari

Sas cunsighèntzias giurìdicas, filosòficas e èticas de su regime de presonia 41 bis sunt su coro de s’allega chi b’at a èssere custu merie in Tàtari. S’addòbiu, intituladu “Il 41 bis e il diritto del nemico” est organizadu dae La biblioteca dell’evasione, progetu de su colletivu polìticu S’idea lìbera.

S’apuntamentu est a sas 15.30 in s’àula Wagner de su Dipartimentu de iscièntzias umanìsticas e sotziales (pianu de suta) in carrera de Roma. Ant a faeddare duos avocados: Flavio Rossi Albertini (difensore de Alfredo Cospito) e Maria Teresa Pintus (referente pro sa Sardigna de su Osservatorio carceri de s’Unione de sas càmeras penales.

M.P.