Càntigos e caratzas, Mamujada pranghet pro sa morte de Bustianu Canu

Una dispedida repentina, sa de Bustiano Canu, issohadore e contra istòrica de su Hussertu de Mamujada. Sessantunu annos, cojuadu e babbu de duos fìgios, Canu s’est rèndidu gianteris sero in Friuli, logu a ue nche fiat lòmpidu in pare cun sas àteras caratzas de bidda sua pro sa manifestatzione ierrile de su 6 in Sappada. «Oje su cantu a tenore est in currutu – narant sos de su Sòtziu tenores Sardigna -. Pro nois non fit petzi su vicepresidente e parte de su diretivu dae semper, ma fit unu cumpanzu, un'amigu, unu frade. Chie l'at connotu ischit chi fit a beru un'òmine de cabbale, un'òmine bonu. Bae in bonora Bustia'».

M.P.