Casteddu: ghia pro s'issèberu de sas iscolas superiores

Initziativa de sa Comuna pro s'istrutzione. Un'agiudu a famìlias e istudiantes pro s'orientare in su panorama de sas iscolas superiores de su territòriu
20 Gennàrgiu 2023
aprofundimentos

 

Aprofundimentu de su chenàbura - Casteddu, primu tzitade de s'ìsula, at una ghia pro issèberu de sas iscolas superiores. Un'initziativa pro s'istrutzione chi naschet dae sa Comuna. S'initziativa at s'obietivu de dare un'agiudu a famìlias e istudiantes pro s'orientare mègius in su panorama de sas iscolas superiores de su territòriu.


Sa ghia naschet dae un'idea de s'Assessoradu de s'Istrutzione Pùblica de sa Comuna de Casteddu.

In su mese de s'orientamentu, duncas, sos istudiantes e sas famìlias de su territòriu de sa provìntzia de Casteddu, ant un'istrumentu in prus chi lis ghiat in un'issèberu de vida importante, comente su de s'iscola superiore.

Sa ghia est un'elencu de litzeos e de istitutos tècnicos e professionales, e est a disponimentu de su pùblicu in su situ istitutzionale de sa Comuna: s'agatat in sa setzione "Istruzione".

Onni iscola presentat duos elementos chi si podent incarcare. Elementos, chi faghent intrare sos istudiantes e sos babbos e mamas in intro de un'ischeda chi at sas informatziones de sìntesi. Non et totu, pro ite lis ghiat finas in intro de sa pàgina web de su situ istitutzionale dedicadu a s'orientamentu.

Un'issèberu, su de s'iscola superiore, importante e delicadu, comente bene sutalìneat s'assessora, chi pretzisat peri ca su de s'iscola est un'issèberu "istratègicu pro sos pitzocos e sas pitzocas nostras".

Sa finalidade de sa ghia, lu ammentamus, est sa de favorèssere un'issèberu cussentziosu, ghiadu dae s'apentu e sa capatzidade de sos giòvanos, ma finas dae sas passiones issoro.

Sas iscolas superiores traballant a manera sistemàtica cun sos "Open days" e lu faghent pro agiudare a sos giòvanos in custu issèberu importante pro su benidore. In tames, de su mese de ghennàrgiu de su 2023, duncas, a lis agiudare in s'issèberu b'at finas custa ghia chi faeddat de s'oferta educativa presente in su territòrio. "Sa ghia naschet - acrarat s'assessora - cun s'agiudu de sos dirigentes iscolàsticos e cun s'agiudu de sa cummissione "Pubblica Istruzione", una cummissione contziliare permanente, e at sa punna de istitutzionalizare sas pràticas de orientamentu cumpartzidas e incuadradas pro onni òrdine e gradu".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

 

 

© RIPRODUZIONE RISERVATA

Aprofundimentos

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
ras