Conca a su Distretu rurale de su nugoresu, addòbiu in Nùgoro
Custu merie, a sas 5 e mesu de merie in s’ExMe de partza de Mameli in Nùgoro, b’at a èssere su primu addòbiu de su percursu partetzipativu pro sa costitutzione de su Distretu rurale de su nugoresu. Invitadas sas impresas territoriales de su nugoresu in contu de massaria, pastoriu e allevamentu, turismu, artesania, cultura, cummèrtziu, assòtzios, organismos de su de tres setores. Individuada comente primu partner sa Comunidade montana de su Nugoresu-Gennargentu-Supramonte-Barbagia.
Pro sos organizadores est pretzisu a «organizare e realizare 6/7 dies de animatzione territoriale pro s’analizu de sas problemàticas de su mundu rurale». Sos addòbios sunt promòvidos dae su Comitadu promotore cun sa comunidade montana mentovada e sas amministratziones comunales de Nùgoro, Fonne, Mamujada, Ulìana, Orane, Orgosolo e Oroteddi.
M.P.