Emanuela Orlandi, si nde torrat a faeddare a 40 annos dae s’iscumparta

Sa magistradura vaticana at torradu a abèrrere sa chistione
10 Gennàrgiu 2023
orlandi

Nch’at coladu belle 40 annos. Fiat su 2 de làmpadas de su 1983 e dae tando nudda s’ischit de Emanuela Orlandi, sa pitzoca de 15 annos isparèssida cando chi fiat torrende a domo sua a pustis de is letziones de mùsica.

Pilos longo e lisos, jeans, camisa arba e iscarpas de tennis. Gasi fiat bestida, a su chi si leghet in cussu annùntziu famadu cun su retratu suo cun una fascita in cherbeddos.

Como sa magistradura vaticana, a pagas dies dae s’interru de su papa emèritu Joseph Ratzinger, at torradu a abèrrere sa chistione chi abbarrat, a su presente, unu intre sos casos prus dìligos de sa crònaca italiana e vaticana interessende sos duos istados e sos servìtzios segretos, su Ior e su cardinale polacu Paul Marcinkus, su Banco Ambrosiano e fintzas sa Banda della Magliana (cun sa carena sena vida de Enrico “Renatino” De Pedis chi at pasadu pro paritzos annos in intro de una crèsia, sa de Santu Apollinare). «S’ispera est chi custa borta – at naradu Pietro, su frade sa pitzoca – lompamus a sa veridade. Dae semper penso, e semper sigo a lu pensare, chi in su Vaticanu b’at chie ischit».

M.P.

© RIPRODUZIONE RISERVATA