Fotovoltàicu e gestione smart de sas serras in s'agràriu de Tàtari

Sa chida chi intrat, in s’Istitutu agràriu Pellegrini de Tàtari, ant a installare un’impiantu nou de coltura idropònica pro s’ortalìtzia, in s’abba matessi, pro mèdiu duas serras-laboratòriu ipertecnològicas chi ant a impreare sistemas de fertirrigatzione e tècnicas de gestione e monitoràgiu digitale de sas produtziones.

Su progetu, alimentadu dae su fotovoltàicu, movet dae su sistema de interconnessione IoT (Internet of Things), una rete smart per elaborare datos e pro chi sas entidades postas in connessione si iscàmbient sas informatziones in contu de calidade e seguresa alimentare.

Su progetu at otènnidu unu finantziamentu ministeriale de 130mìgia èuros e nch’est in intro de unu percursu comintzadu oto annos a como in pare cun sa fundatzione ITS Filiera Agroalimentare della Sardegna e in collaboratzione cun su network de sa Rete Lab Smart Rurality cun sa punna de afortire sas cumpetèntzias de sos dischentes in contu de green economy.

M.P.