Hospice de Aristanis, luego unu giardinu terapèuticu

Sa proposta de su comitadu provintziale pro sa salude praghet a sa diretzione Asl
28 Gennàrgiu 2023
hospice angela nonnis

Unu giardinu terapèuticu ondradu de prantas, frores e mobìlia esterna pro sos ipàtzios in foras de s’hospice “Angela Nonnis” de Aristanis. Est custa sa proposta chi su comitadu provintziale pro sa salude (Maria Carmela Marras, Gisella Masala, Maria Grazia Carta, Anna Maria Ortu e Tore Meli) at presentadu a su diretore generale dell’Asl n. 5 Angelo Serusi, a su sanitàriu Antonio Maria Pinna, a s’amministrativa Rosalba Muscas e a su responsàbile de s’integratzione ospidale-territòriu Alessandro Baccoli.

Sa diretzione at acòllidu sa proposta e l’at a formalizare cun cunventzione sas dies imbenientes. «Semus de acordu cun custa initziativa – narat Serusi – chi nos at a permìtere de cualificare mègius s‘istrutura. Su progetu, de prus, nch’est in intro de sos disinnos nostros de potentziamentu de sa filera oncològica».

M.P.

© RIPRODUZIONE RISERVATA
Tags