“Incontri conoscitivi”, in Boroneddu sas pellìculas de Karim Galici

Sàbadu su 28, a sas 6 de merie in su tzentru sotziale de Boroneddu, b’at a èssere s’initziativa contivigiada dae s’assòtziu Cittadini del Mondo OdV e intitulada “Incontri conoscitivi”.

Sa manifestatzione tzinematogràfica at a mòvere dae istòrias de acollièntzia, de amore, de amistade, de integratzione. In programma sas projetziones de sos documentàrios de su regista sardu Karim Galici, “Dall’Est con amore” e “Storia di un Padre ortodosso in Sardegna”.

Su primu aunit sa chistione femminile a sa migratòria cun protagonistas una bielorussa, una kirghiza, una russa e una ucraina chi ant seberadu de nche lòmpere a Sardigna seberende·la comente logu issoro pro bi vìvere, pro bi crèschere, pro traballu e pro amore. Su segundu pertocat su diàlogu religiosu e s’acollièntzia de sa Crèsia catòlica pro sos ortodossos a pustis de sa presèntzia inoghe de traballadoras esteuropeas, de ritu orientale.  

M.P.