Nùgoro, sa tramudàntzia in sas fotografias de Davide Virdis

Lunis su 16, a sas 11 de mangianu in su Museo del Costume de Nùgoro, ant a inaugurare sa mustra fotogràfica de Davide Virdis, “Camminare, nei sentieri del viaggio”, in contu tramudàntzia, una cultura reconnota dae s'Unesco comente patrimòniu culturale immateriale.

Cale est custu biàgiu? Su dae sos montes de su Gennargentu conca a sos paschìngios de sa Nurra. Sa punna? «Valorizare sos itineràrios – si leghet in sa nota de imprenta – e promòvere sos logos de sa tramudàntzia comente ispàtziu de relatzione intre àmbitos insediativos diferentes». Sa mustra, cun unu documentàriu de Marco Iozzo e cun sas elaboratziones cartogràficas a incuru de sa Prof.ra Silvia Serreli e de su grupu de traballu de su Dipartimentu Architetura design e urbanìstica de s’Universidade de Tàtari, at a pòdere èssere visitada finas a su 16 de martzu. M.P.

M.P.