S’etnomusicologia in s’Universidade de Casteddu
Comintzant mèrcuris su 1 de martzu sas letziones de su professore Marco Lutzu
Comintzat mèrcuris su 1 de martzu su cursu de Etnomusicologia de sa Sardigna ghiadu dae su professore Marco Lutzu in s’Universidade de Casteddu.
S’insegnamentu nch’est intre sas màterias afines e integrativas in sos cursos de Làurea in Benes culturales e Ispetàculu (pianu de istùdios istòricu-artìsticu e pianu de istùdios ispetàculu) e in Lìteras (curriculum istòricu e curriculum modernu).
S’insegnamentu, de prus, diat pòdere èssere inditadu comente matèria seberada dae s’istudiante pro àteros cursos, pianos de istùdiu e curriculum triennales. Àula de sas letziones est sa 6 de su Campus Sa Duchessa. A disponimentu de sos istudiantes chi si nche cherent marcare unu mòdulu telemàticu e una mail pro sas info (marco.lutzu@unica.it).
M.P.
© RIPRODUZIONE RISERVATA