A caddu de sa moto contra a su càntzeru

Aprofundimentu de su chenàbura - A caddu de sa moto contra a su càntzeru. Su 26 de su mese de freàrgiu 50 copias de pilotas s'ant a medire in una gara de duas oras pro batire a domo sa copa "Il Regolarista", lòmpida ocannu sa de de bator editziones.

S'addòbiu est a Quartùciu in arborada de s'Autonòmia Regionale Sarda. Sas mototzicletas ammitidas sunt totus "fuoristrada" modernos, "vintage" e "scrambler".

Sa copa "Il Regolarista", chi dat su nùmene a sa manifestatzione, est costoida in sa sede de su "Moto Club Città di Cagliari" e onni annu est posta in pàliu dae su presidente de su "MC". Finas ocannu, comente semper, su dinare collidu at a èssere devòlvidu a sa "Fondazione Airc" pro sa chirca in subra de su càntzeru Ets. In sas editziones coladas sunt istados collidos 2.400 euros e prus.

Sa gara est organizada pro ammentare a Carlo Vadilonga (pilota de moto tituladu e cummissàrio de gara de sa mototziclista italiana a livellu natzionale) e a Giustino Valtellino, àteru pilota de moto tituladu. Presidente de su "Moto Club Città di Cagliari" su primu e vitze-presidente su segundu, galu direttore de gara e vitzepresidente de su "Comitato regionale Sardegna della Federazione Motociclistica Italiana". Ambos sos mototziclistas sunt mortos in su 2019.

S'ùrtima editzione de sa gara, est a nàrrere sa de su 2022 est istada binta dae sa copia Simone Picciau -Sergio Mibelli de su "MC Città di Cagliari". Sa copia at leadu parte a sa gara cun sas mototzicletas modernas in sa categoria "Sprint". Sa categoria "Evo", est a nàrrere sa chi s'isbòligat cun mototzicletas chi andant dae su 1991 a su 2000, imbetzes, est istada binta dae sa copia Michele Medda-Fabio Serra de su "MC Baccalamanza", galu sa categoria "Scrambler" at bidu comente binchidora a sa copia Andrea Caredda-Tommaso Cannas-Nicola Manca de su "MC Motocicli Audaci". Sa categoria "Vintage"  at àpidu sa vitòria de sa copia Gigi Lai-Fabio Palazzari de su "MC Carbonia". Gigi Lai e Fabio Palazzari binchent sa copa pro da duas bias consecutivas.