Covid in Sardigna, Gimbe marcat unu -13,8%

Dae su 10 a su 16 de freàrgiu b’at àpidu una mèngua de casos noos de Covid 19. Lu narat sa fundatzione Gimbe chi, cunforma a sa chida in antis, marcat unu -13,8%. In provìntzia de Nùgoro, cun sos Comunes suos chi lompent a belle 200mìgia abitantes, sos mègius datos cun 28 casos cada 100 mìgia residentes (-48,1%).

Fatu fatu Aristanis cun 37 (-37,8%), Casteddu cun 69 (-8,8%), Sud Sardigna cun 40 (-6,9%) e a concruos Tàtari cun 64 casos (-3,5%). Pro su chi pertocat sos ospidales b’amus una mèdia prus arta de sa “natzionale” in contu de àrea mèdica (9,7%) e una prus bassa mirende a sas terapias intensivas (1,5%).

M.P.