Galu 41 bis pro Cospito? Sas dudas de su pg de sa Cassatzione

Su 41bis non podet giustificare sa «rarefatzione e sa cumpressione de àteras libertades inframuràrias» si non pro impedire «cuntatos e collegamentos» chi resurtent «a beru» e «a craru» de agiudu «a àteros reatos o atividades de s'assòtziu esternu». L'at iscritu su procuradore generale de sa Cassatzione, Pietro Gaeta, in una recuisitòria de martis coladu (ma essida a campu eris a trigadiu). In pagas paràulas bi diat chèrrere «una base fatuale» chi movat dae «elementos de dura e definidos» in contu de collegamentos chi, a bisu de su pg, «non si podent iscumproare». Una cunfirma chi a s’anàrchicu – refudende su màndigu oramai dae 115 dies – nche l’ant postu in su 41 bis che chi esseret unu boss de sa màfia ordimingende reatos dae intro pro mèdiu de messàgios cuados, cando chi sos testos suos imprentados in sas rivistas de àrea fiant cosa pùblica chi essiat dae presone pro mèdiu de sa currispondèntzia postale. Sa pregonta est: a lu connoschiat custu pàrrere su ministru Nordio?

M.P.