“Indocili memorie”, in Casteddu projetziones de ammentu

Ant a èssere tres, pro como, sas projetziones programmadas in su “Circolo del Cinema – Laboratorio 28” de carrera de Montesanto 28 in intro de sa rassigna “Indocili memorie”. «Est unu tziclu nou – narant sos organizadores – e sigomente est unu tema ampru e cumplessu amus disinnadu de protzèdere cun tziclos curtzos, a sentimentu». A su presente (ca est sugetu a mudadas) su programma est custu: oe tocat a “Moon” de Duncan Jones; martis su 7 a “Hijos” de Marco Bechis; martis su 14 a “Rapsodia in agosto” de Akira Kurosawa. Projetziones programmadas pro sas 20.45. Àteras info inoghe.