Iscolas de Sardigna e oportunidades digitales

Aprofundimentu de su chenàbura - In fines finas sas iscolas sardas ant s'oportunidade digitale issoro. Su PNRR, est a nàrrere su "Piano nazionale di ripresa e resilienza" si cojuat cun s'innovatzione pro bìnchere a su "digital divide". Unu "digital divide", lu depimus pretzisare, chi est fìgiu peri de sa farta de programmatzione in investimentos tecnològicos.

Duncas, finas in sas iscolas de Sardigna b'at sa possibilidade de otènnere dinare pro si frunire de computer, infrastruturas informàticas e de totu sa tecnologia chi in die de oe est netzessària pro su mundu de s'innovatzione didàtica.

Pro detzìdere ite fàghere cun sos finantziamentos, sas iscolas ant tempus fintzas a su 28 de su mese de freàrgiu de su 2023. Est custa s'ùrtima die pro atuare su "Piano Scuola 4.0".

Tocat a nàrrere ca sa de su "Piano Scuola 4.0" est un'ocasione de innovatzione importante pro totus sas iscolas elementares, medias e superiores.

Ma ite est su "Piano Scuola 4.0"? Est unu tra sos investimentos digitales prus mannos chi sunt istados dados finas a oe. Pro mèdiu de su "Piano Scuola 4.0" , difatis, sa mudadura digitale e tcnologica de sas àulas didàticas e de sos laboratòrios aiat a pòdere divenire realidade.

Su "Piano Scuola 4.0" si partzit in duas atziones: sa primu est sa "Next generation classrooms" e est pensada pro sas iscolas elementares e mèdias, mentras sa segunda est sa "Next generation labs" e est pensada feti pro sas iscolas superiores.

Pro risòlvere sos problemas informàticos e de seguresa de s'iscola sarda arribat "Qubiarch", un'infrastrutura cumpleta, innovativa e tecnològica chi est fìgia de un'azienda sarda.

Ma ite faghet "Qubiarch"? Custa infrastrutura s'acostàgiat a sa didàtica traditzionale agiudende sa mobilidade e sa collaboratzione in classe.

Cun s'infrastrutura "Qubiarch" s'innovatzione de sas iscolas de Sardigna est totu "made in Sardigna". Difatis est Innovyou, azienda chi dae semper faghet faeddare de su traballu suo, chi at a ghiare sa mudada didàtica. No est pro nudda ca custa realidade at unu rolu de primu pianu in su mundu digitale de Sardigna.