Nordio narat chi nono, pro Cospito abarrat su 41 bis

Dae Tàtari nche l’ant giutu a Milanu, ma semper cun su 41 bis, regime cartzeràriu chi, a bisu de ministru de sa Giustìtzia Carlo Nordio, bi lu devent lassare.

Su bardasèglios at refudadu oe s’istàntzia de rèvoca avantzada dae su legale de s’anàrchicu Alfredo Cospito. Su ministru at pigadu sos disinnos suos movende dae su cuntzetu de perigulosidade sotziale de su presoneri e a pustis de àere intesu sas autoridades giuditziàrias.

Pro sa Diretzione natzionale antimàfia e antiterrorismu su cundennadu est “sena duda perigulosu”, ma – a su chi si leghet in s’imprenta italiana – sa torrada a su regime de “seguresa arta” podiat èssere un’alternativa a su 41 bis.

M.P.