Nue 112, dae su 14 de freàrgiu ativu fintzas in su distretu de Aristanis

Su sistema nou pro sas cramadas de emergèntzia e sas rechestas de sucursu in càmbiu de 113, 115 e 118
7 Fiàrgiu 2023
Oristano

Dae su 14 de freàrgiu, fintzas in su distretu de sa provìntzia de Aristanis, sas cramadas de emergèntzia e sas rechestas de sucursu ant a èssere retzidas dae su Nue, su Nùmeru ùnicu europeu 112.

Est su chi nd’est essidu a campu dae s’addòbiu cunvocadu dae sa Prefetura cun presentes sas ghias provintziales de sas fortzas de politzia, de sos vìgiles de su fogu, de sa capitaneria de porto e sos rapresentantes de s'Areus, pro chistionare de su sistema nou giai ativadu in manera progressiva in àteros distretos sardos pro reduire a cussu sos nùmeros atuales (113, 115 e 118). «Lompimus a un’obietivu de importu – at naradu su prefetu de Aristanis Fabrizio Stelo – chertu dae totu cantos semus e chi est esèmpiu emblemàticu de su chi podent otènnere sas istitutziones faghende sistema»

M.P.

© RIPRODUZIONE RISERVATA