Oe est sa die de su gatu. Bonas uras fintzas a chie gatu no est

Su proite de custu sèberu iscaramànticu
17 Fiàrgiu 2023
Gatu

Oe est sa die de su gatu. Custa festa la connoschimus dae su 1990 a pustis de unu referendum internu a sos letores de sa rivista “Tuttogatto”. S’idea nascheit a sa giornalista Claudia Angeletti e sos letores, bidas sas propostas, sebereint sa de tzia Ornella Del Col, est a nàrrere sa de su 17 de freàrgiu, pro custos motivos: ca freàrgiu est su mese de su gatu e de sas brujas; ca freàrgiu est su mese de s’acuàriu e nat chi sos chi sunt nàschidos suta cussu sinnu sunt prus anticunformistas; ca su 17 diat dèvere significare 1 vida pro 7 bortas; ca s’anagramma de su 17 romanu torrat cun VIXI, est a nàrrere “apo bìvidu” àteras bortas; ca su 17 est nùmeru malassortadu gasi comente malassortada est sa figura de su gatu nieddu. Su malu (o su bonu?) est chi oe est fintzas chenàbura! E tando bona die de su gatu fintzas a chie gatu no est.

M.P.

© RIPRODUZIONE RISERVATA