Oto artistas sardos in oto atividades cummertziales, torrat “arteXarte” in Casteddu

Si s’editzione colada interessaiat carrera de Garibaldi, custu giru tocat a carrera de Paoli. Protagonistas ocannu de sa rassigna de arte difusa “arteXarte” oto atividades cummertziales de Casteddu e oto giòvanos artistas sardos finas a su 12 de martzu. S’initziativa l’ant presentada sas dies coladas s’assessora comunale de sa Cultura Maria Dolores Picciau e sa presidente de sa cummissione Cultura Enrica Anedda Endrich (in sa foto). «Sa punna – narat sa prima – est sa da dare briu a sa tzintura produtiva tzitadina e de dare possibilidades a sos artistas nostros de espònnere sas produtziones issoro». «Initziativa de giudu – annanghet s’àtera – ca aunit galania, arte e vida de cada die de sa gente». Is artista chi pigant parte a sa rassigna sunt Lucia Aironi, Alessandra Catta, Antonio Crobu, Gianni Carta, Taras Halaburda, Teresa Pastore, Letizia Poddighe e Pietro Serra. A concruos de s’initziativa sas òpera issoro l’as ant a espònnere in sa Mem de carrera de Mameli.

M.P.