Pro su trenu de Nùgoro Soddu iscriet a su Parlamentu europeu

«Unu de sos fatores chi impedint sa crèschida de su territòriu est sa mancàntzia de unu servìtziu pùblicu essentziale de logìstica comente sa rete ferroviària ràpida, indispensàbile pro sa vida de sa comunidade, pro su benèssere e s’isvilupu suo». Sunt sas paràulas de su sìndigu de Nùgoro Andrea Soddu chi, pro custu motivu, at iscritu a su Parlamentu europeu. Sa lìtera imbiada nch’est como in sas iscrivanias de sa cummissària de sos Trasportos Adina Ioana Vălean e de sa presidente de sa cummissione Trasportos e turismu, Karima Delli, invitadas a un’addòbiu pro connòschere sa realidade nugoresa. Nùgoro est s’ùnicu cabu de logu de provìntzia a no èssere collegadu a sa lìnia ferroviària Trenitalia.

M.P.