Spiderman, Superman e àteros supereroes cun sos pitzinnos de su microtzitèmicu
![supereroi](/sites/default/files/styles/header_md/public/upload/2023/02/superman.jpg?h=b20f92e8&itok=qRF_TF76)
Domìniga a Casteddu b’ant a lòmpere sos supereroes. De cussos acrobàticos chi meda agradant a sos pitzinnos.
S’initziativa est programmada pro sas 10 de mangianu cando Superman, Spiderman e àteros ant a fàghere bìsita a sas pitzinnas e a sos pitzinnos de su microtzitèmicu donende·lis iscantzadas de risu e un’istrina pro s’ammentare de sa die galana chi ant a colare paris.
Sa faina est organizada in collaboratzione cun s’assòtziu Sea (est a nàrrere Super Eroi Acrobatici), assòtziu chi oramai dae annos est ativu peri sos ospidales de Itàlia a costàgiu de sos pitzinnos ricoverados.
M.P.