Visioni sarde in Berna cun su regista Andrea Deidda e cun àteras tres pellìculas
Sa missione de su progetu “Visione sarde” - sustènnidu da sa Fondazione di Sardegna - est connota: contare su tzìnema sardu nou e fàghere connòschere sos registas suos in foras de s’ìsula.
Pro custu su tour 2023 at a comintzare in Berna gràtzias a su comitadu locale de sa sotziedade “Dante Alighieri”.
S’apuntamentu est pro su 6 de freàrgiu a sas 18.30 in sa “Casa d’Italia”. In Berna at a faeddare su regista Andrea Deidda autore de "Santamaria" chi at a animare s’allega faeddende de su tzìnema sardu de calidade.
In prus de sa pellìcula sua ant a èssere projetadas “Mammaranca” de Francesco Piras, “Senza te- Without you” de Sergio Falchi e “Una splendida felicità” de Simeone Latini.
No est sa prima bia chi "Visioni sarde" nche lompet a Berna. Su 19 de nadale b’ant projetadu “12 Aprile” de Antonello Deidda, “Fradi miu” de Simone Contu e “La Venere di Milis” de Giorgia Puliga.
M.P.