Colle der Fomento, s'hip hop italianu in Belchidda pro su Time in Jazz

Sos de su Colle der Fomento sunt sos primos artistas annuntziados pro sa de trintases editziones de su Time in Jazz in Belchidda. S’istòrica band hip hop italiana at a carcare su palcu de mesaustu in Piazza del popolo pro un’editzione de su festival chi, giai dae su nùmene de ocannu (“Futura”) mirat a orizontes noos. Luego ant a èssere annuntziados sos àteros nùmenes.