Viniscola, bandida s’editzione noa de su prèmiu de poesia
![poesia](/sites/default/files/styles/header_md/public/upload/2023/03/poesiaa.jpg?h=feadb981&itok=M43MIaKG)
Publicadu su bandu de sa de 18 editziones de su prèmiu literàriu thiniscolesu “Viniscola”, aprontadu dae su Rotary. Sos poetas chi bi diant chèrrere pigare parte nch’ant a dèvere imbiare s’elaboradu issoro a s’indiritzu “Rotary Club di Siniscola, c/o Santino Marteddu, Via Goceano 23 – 08029 Siniscola (Nu)” intro de su 15 de abrile. B’at una setzione ebbia de poesia sarda (sena vìnculos mètricos nen de argumentu) e sos testos non nche devent barigare sos 40 versos. B’at 400 èuros pro su poeta chi at resurtare primu cunforma a sos sèberos de sa giuria. Sos poetas seletzionados ant a èssere avisados in tempus pro ischire su die de premiatzione.