Curtzos, su 6 in Su Tzìrculu “Padenti/Foresta” de Marco Antonio Pani

Gioja su 6 de abrile in Casteddu, a sas 19.30 in Su Tzìrculu de carrera de Molise 58, ant a presentare sa pellìcula “Padenti/Foresta” de su regista e iscenegiadore Marco Antonio Pani.

In intro de su “curtzu” b’at tres retratos: su de unu litu in dies de ortigru toddende·lu; su de sos òmines chi lu faghent cun podda e rispetu; su de sos pitzinnos bidende·si a sos de sa bidda faghende·lu.

Sonos, immàgines e testimonias ondrant custa istòria de dignidade e de rispetu de generatziones a incuru de sos suèrgios.

Un’istòria de su 2019 e chi sighit sa passione de su pluripremiadu “Capo e croce, le ragioni dei pastori” de 6 annos in antis (pretziadu dae sa giuria de su cuncursu internatzionale “Vittorio De Seta”). Bintibator sos minutos de “Padenti/Foresta”, acumpangiados a pustis dae sos interventos de su regista matessi e de sa giornalista Francesca Mulas. E de Pani, a concruos de sero, ant a projetare finamentas “Maialetto della Nurra”, àteru curtzu surreale e irònicu, produidu dae s’Isre e binchidore de duos prèmios in intro de su Sardinia Film Festival de su 2016 e de su prèmiu Italymbas in su Babel Film Festival.

m.p.