"Premio Ichnusa" binchidores 10 istudiantes de s'Universidade de Casteddu

“Stage” in azienda cun retributzione
17 Arbili 2023
aprofundimentos

Aprofundimentu de su lunis - 10 istudiantes de s'Universidade de Casteddu binchent sa de trèighi editziones de su "Premio Ichnusa". Pro issos unu "stage" in azienda cun retributzione.

Ma ite oferit sa manifestatzione chi dae sa nàschida sua at interessadu prus de 700 istudiantes? Sa manifestatzione in prus de s'oportunidade de traballare a unu progetu cuncretu, dat a sos giòvanos de Sardigna sa possibilidade de pòdere èssere isseberados pro fàghere unu "stage" de ses meses in s'azienda Ichnusa. Custa est pro sos istudiantes sardos un'oportunidade importante pro incumentzare sa pròpiu carriera professionale.

A bìnchere s'editzione de su "Premio Ichnusa" 2023 sunt: Marta Lilliu, Giulia Loddo, Chiara Cocco e Federica Sanfilippo, chi batint a domo primu postu. Sas bator fèminas sunt mamas de su progetu "Ichnusa on the road"; Giuseppe Puggioni e Ilaria Becciu , imbetzes, otenent su de duos postos cun su progetu " Ichnos"; Ilaria Murru, Alessia Porcu, Josè Giosuè Uda e Eleonora Zucca, conca de su progetu "Sonos de Ichnusa" conchistant su de tres postos. Feti unu de custos giòvanos, però, at a èssere isseberadu pro fàghere su "stage" dae Ichnusa.

Ma faghimus unu passu in dae segus. In su mese de martzu coladu sos istudiantes de Sardigna ant àpidu sa possibilidade de leare parte a duas dies de addòbios de formatzione chi ant aprofundidu unos cantos temas de comunicatzione e de "marketing". No est totu, in custas duas dies sos giòvanos ant peri iscobertu su mundu Ichnusa e su ligàmene suo cun su territòriu.

Una "partnership", sa tra s'Universidade de Casteddu e s'azienda de sa birra chi permitit a sos giòvanos de acostagiare a sas letziones teòricas finas un'acostiamentu cuncretu, in duas paràulas: lis permitit de àere unu cumprou cuncretu in su mundu de su traballu. Su "Premio Ichnusa, difatis, at s'obietivu de reconnòschere e de valorizare sos inzenneros noos.

© RIPRODUZIONE RISERVATA

Aprofundimentos

Attività realizzata col contributo della Regione Sardegna - IMPRENTAS 2022-2023. LR 22/2018, art. 22

Image
ras