Traballu minorile in Itàlia, sa chirca de Save the children

S’istima est de 336mìgia pitzinnos intre sos 7 e sos 15 annos
5 Arbili 2023
non è un gioco save the children

Su traballu minorile est unu fenòmenu globale chi ponet in perìgulu sos diritos fundamentales de sas criaduras e de sos pitzocos peri su mundu e finamentas in s’istadu italianu.

Non b’at ebbia arriscos pro sa salude de su pitzinnu e de su benèssere psicu-fìsicu suo; a su minore chi comintzat a traballare in antis de s’ora e sena tutelas giurìdicas li truncant su percursu de annestru e de isvilupu alimentende cussu girone infernale de povertade e de esclusione finas una borta crèschidu.

Sende chi in Itàlia non b’at una rilevatzione sistemàtica de su fenòmenu, Save the children, a deghe annos dae una prima chirca, nd’at fatu una noa (“Non è un gioco”) pro chi si nde cumprendant sas caraterìsticas, s’evolutzione in su tempus e s’isperdìtziu iscolàsticu. S’istima est chi in Itàlia 336mìgia minores intre sos 7 e sos 15 annos apant àpidu esperièntzias de traballu.

© RIPRODUZIONE RISERVATA