Tzile, reduidu s’oràriu de traballu
dae 45 a 40 oras sa chida
![tzile](/sites/default/files/styles/header_md/public/upload/2023/04/tzile.jpg?h=feadb981&itok=PeErYfTW)
Eris in Tzile sa Càmera, cun grandu majoria, at aprovadu sa ridutzione de s’oràriu de traballu dae 45 a 40 oras sa chida. Sa proposta fiat giai colada in su Senadu. Como bi mancat sa firma de su presidente de sa Repùblica chi at a lòmpere, cun probabilidade manna, intro de su primu de maju. Su 2005 aproveint una prima ridutzione, dae 48 a 45. Cun sa proposta de como sos traballadores ant a pòdere seberare sa “chida curtza” cun sas 40 oras partzidas in 4 dies e no in 5.
m.p.
© RIPRODUZIONE RISERVATA