Vatzinos contra a sos tumores? Sighit sa chirca mRna

Capatze a los aeremus intro de su 2030
11 Arbili 2023
vatzinos tumores

Intro de su 2030 diamus pòdere àere sos vatzinos mRna contra a sos tumores. Lu narant sos de Moderna annanghende chi sa cosa no est s’iscoberta de su sèculu ma sa cunsighèntzia lògica de sas tècnicas genèticas isvilupadas finas a como finamentas contra a sa pandemia.

Comente at a traballare custa cura? A su chi si leghet in su Guardian chi nd’at dadu a ischire (e in sos àteros mèdios chi sunt pighende·la dae cue) su mecanismu previdet su prelevamentu de una biopsia dae unu patziente malàidu.

In laboratòriu ant a esaminare su campione secuentziende su materiale genèticu pro chi si identìfichent sas mutatziones non presentes in sas tzèllulas sanas. Posca un’elaboradore at a reconnòschere, intre totu sas mutatziones, sas chi faghent crèschere sos tumores. A pustis, semper in laboratòriu, ant a creare una molècula de mRna messageru cun sas informatziones pro chi sos antìgenos ingendrent sa risposta immunitària. Vatzinos pèrsonalizados, duncas.

cancer mrna

m.p

immàgine https://www.publicdomainpictures.net/en/view-image.php?image=423880&picture=vaccination

© RIPRODUZIONE RISERVATA
Tags