Dimensionamentu iscolàsticu, ProgReS: «Una minetza sèria contra a su diritu a s’istrutzione»
Sa proposta: «Si pighent in cunsideru s’ìnditze econòmicu, sotziale e culturale de su territòriu»
«Unu dimensionamentu iscolàsticu che pare pro totu cantos at a penalizare su prus dèbile». Sunt sos faeddos de sos indipendentistas de ProgReS pro su chi pertocat sos sèberos noos de su guvernu chi ant bogare una barantina de autonomias iscolàsticas in Sardigna.
«Pensamus chi siant acumprende a una minetza sèria contra a su diritu a s’istrutzione, in unu logu prus chi non complicadu in contu de geografia, infrastruturas e mobilidade. Unu corfu mortale nou a su progressu sotziale e econòmicu de sa Sardigna. Sa proposta est chi «intre sos fatores curretivos de su coefitziente impreadu si pighent in cunsideru s’ìnditze econòmicu, sotziale e culturale de su territòriu de riferimentu de s’istitutzione sìngula».
m.p.
© RIPRODUZIONE RISERVATA